Çhüçıke u Lacekê

Rocê bena rocê nêbena. 
Xêlê waxt nayera ravêr, jü çhüçıke bena, çhüçıka çoli. 
Têyna manena, hevali xêlê kutê düri, verniye ra fırdanê. 
Lacekê vinena bıne dare dı nişto ro şamiya xo weno, selxê xo bındest de çereno, manıke kişti de ra. Hetê ra weno, hetê ra hokneno. Çhüçıke fıkırina, xo be xo, vana lawo no lacek tı vacê xo dıme çiyê verdano, ez vêyşana. De vana vınde ez xo re cı musni u verva laceki fırdana. Lacek jüyo çeqelo ya 9 ya 10 seriyo, tı vana bekakı zernêno, zerdıkê haki teqo, cı ra vêciyo. 
Çhüçıke vineno çımê xo bereqinê, nonê xo ra pari keno cıra, verva çhüçıke khıl keno. 

Çhüçıkam tı zaf qışkeka 
Se kıbara rındeka
Ez berxvane serê koya
Tı çhüçıka çoli ya 
Bê hevala mı be
Bıfetelime piya

Çhüçıke nonê xo mırdi wena. 
Hekmetı de dar de hevalê xo cerenê ra, şirqnena peranê xo, erzena jü teqlê xo. 

Lajê dê baş asena
Gegı to sılam kena
Ez çhüçıke koya na 
Herkesi de heval bena
Nêfetelime piya
Tı peyatiye ez fırdana.