Sanıka Çêneka Pelevane
Waxtê, zemanê de ju pasa beno. Pasawo de rınd beno. Mıletê xode rınd niadano. Mıletê xorê xızmetanê zaf rındeku ano pêser. Na dem de halwaxtê mıleti zaf rınd beno.
ZKM - Editör
Sanıka Çêneka Pelevane
Mehmet Arslan, 2021
Editör: Zeynem Arslan
102 Sayfa
ISBN 978-3-901600-56-2
Waxtê, zemanê de ju pasa beno. Pasawo de rınd beno. Mıletê xode rınd niadano. Mıletê xorê xızmetanê zaf rındeku ano pêser. Na dem de halwaxtê mıleti zaf rınd beno. Mılet ki na pasayêni ra zaf memnun beno u zaf ki pıra sa beno. Suka nê pasay kınarê dengızi de bena. Her ca gul u gulıstan beno. Her kes wayirê kar u gurey beno. Her kes zaf beno sa.
Dengız ra cınawıro de xofın vejino, kes ‹be nê cınawıri bas nêkeno. Eskeri (leşkeri) ki tey bas nêkenê. Kuno ra eskeri
(leşkeri) qırrkeno. Hatan ke roz koy serde şi, no qeyde nia dewam keno. Sodır ke tiji eşt, no cınawır vecino, hatan be san eskeri de xêr nêverdano. Zaf eskeri qırrkeno. Qet kes ‘be hal-haletê cı nêşikino. No pasa bêçare maneno, welatê xo de seferberiye (herb) ilan keno. Wazeno ke her kes bêro, esker bo. Ju ki ju pelevanê xuyo khan beno. No pelevan zaf xırt beno, hama no pelevan teqawıd beno. Waxtê gêncêni vêrdo. Xanıma nê pelevani ravêr şiye heqiya xo. Têpia hirê çêneki estê ke vılê pelevani de mendê...
